aah ko chaahiye ik umr asar hone tak

aah ko chaahiye ik umr asar hone tak
kaun jiitaa hai terii zulf ke sar hone tak

A lifetime passes before a sigh shows its effects
Who would wait so long to see your curls fixed up

daam-e har mauj mein hai halqah-e sad kaam-e nihang
dekhein kyaa guzre hai qatre pah guhar hone tak

A hundred dragon mouths hurl a single ocean wave-net
See what an ordeal a droplet takes to turn into a pearl

aashiqii sabr-talab aur tamannaa betaab
dil kaa kyaa rang karuun khun-e jigar hone tak

Love asks for patience but lust is restless
What color do I call my heart till it bleeds to death

ham ne maanaa kih tagaaful na karoge lekin
khaak ho jaaeinge ham tum ko khabar hone tak

You won't disregard me, I know that, but when
you know of me I would have become dust

partav-e khur se hai shabnam ko fanaa ki taaliim
main bhii huun ek inaayat kii nazar hone tak

Each drop of dew knows sun rays bring its death
I will last likewise till you cast glances at me

yak nazar besh nahiin fursat-e hastii gaafil
garmii-e bazm hai ik raqs-e sharar hone tak

A glance from you will bring my life to end
Like the dancing sparks end a party's  fun

gam-e hastii kaa asad kis se ho juz marg ilaaj
shamma har rang mein jaltii hai sahar hone tak

Life is all suffering, Asad. Its cure is only death
The candle burns in many colors till the morning comes

Dost Gham-khwari mein meri

Dost gamkhvari mein meri sai farmavenge kya
zakhm ke bharne talak nakhun na badh javenge kya
beniyazi had se guzri banda paravar kab talak
hum kahenge hal-e-dil aur aap farmavenge kya
hazarat-e-naseh gar aayen dida-o-dil farsh-e-rah
koi mujh ko ye to samajha do ki samajhavenge kya
aj van teg-o-kafan bandhe hue jata hun main
uzr mera qatl karne mein wo ab lavenge kya
gar kiya naseh ne hum ko qaid acha yon sahi
ye junun-e-ishq ke andaz chhut javenge kya
khana zad-e-zulf hain zanjir se bhagenge kya
hain giraftar-e-vafa | zindan se ghabaravenge kya
hai ab is mamure mein kahat-e-gam-e-ulfat asad
hum ne ye mana ki dilli mein rahe khavenge kya