Dost Gham-khwari mein meri

Dost gamkhvari mein meri sai farmavenge kya
zakhm ke bharne talak nakhun na badh javenge kya
beniyazi had se guzri banda paravar kab talak
hum kahenge hal-e-dil aur aap farmavenge kya
hazarat-e-naseh gar aayen dida-o-dil farsh-e-rah
koi mujh ko ye to samajha do ki samajhavenge kya
aj van teg-o-kafan bandhe hue jata hun main
uzr mera qatl karne mein wo ab lavenge kya
gar kiya naseh ne hum ko qaid acha yon sahi
ye junun-e-ishq ke andaz chhut javenge kya
khana zad-e-zulf hain zanjir se bhagenge kya
hain giraftar-e-vafa | zindan se ghabaravenge kya
hai ab is mamure mein kahat-e-gam-e-ulfat asad
hum ne ye mana ki dilli mein rahe khavenge kya